االاسلام عليكم
قصيده بعنوان ماتعرف احنا من احنا
السلام عليكم ورحمة الله وبركاته
هذه القصيدة إضافة لقصيدة ما تعرف نحنا من نحنا
من انتم من انتم ******* ما تعرف نحنا من نحنا
إحنا الزنتان ******* ثرنا وأصدرنا بيان
حلفنا بالله ما نليان ******* في وين ماحت بنغازي محنا
إحنا شجعان ******* وأسال عنا في كل مكان
ترقى تنزل يا جبان ******* أطير أتجنح ما تبطحنا
ما انطعنالك ******* رديناك رفضنا مالك
فورا جاوبنا قلنا لك ******* مش إحنا هلي تزلبحنا
إحنا جبل نفوسه ******* درنا في القذافي حوسه
قررنا بنحوا السوسه ******* هلي طاريها ملحنا
إحنا أهل زواره ******* إحنا مانا من الغداره
معروفين إحنا صباره ******* وبالعزم اليوم أسلحنا
إحنا أولادك يا زَاويه ******* مشهورين ضنا بيتيه
طلعنا مسيره سلميه ******* وين قمعتونا كافحنا
إحنا بنغازي ******* يا متطاول يا انتهازي
جيت زاحف يا لانا غازي ******* مقرر من الكون بتمسحنا
لقيت تريس أشداد تراجي ******* وقفوا لك خلوك في محنه
نحنا تاجورا ******* نحنا اللي مزقنا الصورة
ولين إنديروا راسك كوره ******* باش تعرف نحنا من نحنا
نحنا اللي قلنا لك صبرك ******* في تاجورا نحفر قبرك
وجملنا حالف ما يبرك ******* كان على صدرك بالسحنة
إحنا سوق الجمعة ******* نحنا اللي درنا لك دمعه
على خدك تنزل كل جمعه ******* وين على الشاشة تشبحنا
إحنا غوط الشعال ******* نرجوا في الفرصة ما زال
وين تسنح تلقانا أبطال ******* على ميدانا ما أزحزحنا
لكن أنت يا دجال ******* بظلمك قامعنا وكابحنا
إحنا فشلوم ******* نحنا اللي جلينا النوم
من عينك يا وجه البوم ******* عجل فارقنا وريحنا
نحنا اللي انجلوا التغشيشة ******* ملينا من ضنك العيشة
مغير أوعي وأصغي يا عيشه ******* لنقى انه باتك ذابحنا
